Xeze de 48 saetanê peyînan de tewr tay 6 kesî cuya xo ra bîyî, 37 kesî zî birîndar bîyî.
Wezaretê Weşîye yê Xeze eşkera kerd ke hêrişanê Îsraîlî ser o 48 saetanê peyînan de tewr tay 6 kesî cuya xo ra bîyî, 37 kesî zî birîndar bîyî. Wezaretî dîyar kerd ke ekîbê rewşa lezabezîye seba ke xo bi resnê qurbanîyanê bînan ê ke binê xirbeyan de mendê yan zî rayîrî ser o asî mendê, hema zî zehmetîye ancenê.
Wezaretî eşkera kerd ke teşrîna verêna 2025î ra nat, destpêkerdişê “adirbestî” ra nat, hezar û 191 kesî merdê, 3 hezar û 853 kesî birîndar bîyî û 803 cenazayî ameyê vetene.
Ame dîyarkerdene ke hêrişê Îsraîlî yê ke teşrîna verêna 2023î ra nat, Xeze ser o kerdê, hûmara pêroyî ya kesê ke cuya xo ra bîyî resayê 73 hezar û 305 û hûmara birîndaran zî resaya 173 hezar û 961î.
