Şaredarîya Peyasî çarçewaya “Têhetameyîşê Peyasî yê 1.” de aktîvîteya xo ya 10. dewa Fenûşî de viraşte. Program bi tewrbîyayîşêko girs ê dewijan mîyanê heyecanêko gird de virazîya.
Şayîyê ke destpêkê hamnanî de hetê Şaredarîya Peyasî ra amebî destpêkerdene, bêmabên dewam kenê. Programê 10. ê nê rêzeçalakîyan dewa Fenûşî ya girêdayeyê qezaya Peyasî ya Amedî de virazîya.
Şayî bi tewrbîyayîşêko girs ê dewijan û bi heyecanêko gird virazîyaye. Şayî de atolyeyê taybetî virazîyayê.Ekîbê weşîye kontrolê pêroyî yê weşîye û xizmetê ewnîyayîşî kerdê. Hemşaredara Peyasî Bêrîvan Gulşen Sîncar zî tewrê şayî bîye. Bêrîvan Gulşen Sîncar cinîyanê dewe reyde ameye têhet û goş da waştiş, pêşnîyaz û fikranê înan. Bêrîvan Gulşen Sîncar bale ant rolê bingeyên ê cinîyan ê mîyanê komelî ser o û dîyar kerd ke projeyê şaredarî yê seba paştîdayîş û bihêzkerdişê cinîyan do bêmabên dewam bikerê.
Şaredarîya Pêyasî pare kerd ke ê do pêroyê hamnanî de nê çalakîyan bidomnê.
Program heta nêmeyê şewe dewam kerd.
