Ewro, serê sibayî, polîsan Cagirê Serekê Grûba Meclîsê Şaredarîya Manîsa yê Şaristanê Girdî yê CHP’yî Ahmet Anil Ceylan zî mîyan de, xeylî kesî destbend kerdê.
No demêk o ke vera şaredarîyanê CHP’yî operasyonê qirkerdişê sîyasî yenê viraştiş.
Ewro zî eynê çarçewa de, Manîsa de operasyonêko newe virazîya. Netîceyê operasyonî de Cagirê Serekê Grûba Meclîsê Şaredarîya Manîsa yê Şaristanê Girdî yê CHP’yî Ahmet Anil Ceylan ame destbendkerdiş.
Sereka Baroyê Manîsa avûkat Sevgî Başak Yeşîl Malay îfade kerd ke derheqê sebebê destbendkerdişê înan de tu agahî nêameya dayîş. Meqamanê fermîyan zî heta nika derheqê destbendkerdişan de eşkerayîyêk nêdaya.
Ame eşkerakerdene ke îfadegirewtişê Ahmet Anil Ceylan Mudurîyetê Polîsan ê Manîsa de dewam keno.
