Îranê ragihand ku piştî êrişên hewayî yên dawî yên DYAyê wan bi dronan li hedefên leşkerî yên Amerîkî yên li Urdun, Kûweyt û Bahreynê xistine.
Televîzyona girêdayî Rejîma Îranê ragihand ku wan weke bersiva êrişên dawî yên Dewletên Yekbûyî yên Amerîkayê (DYA), bi dronan êrişî hedefên leşkerî yên Amerîkî yên li Urdun, Kûweyt û Bahreynê kiriye.
Li gorî nûçeyê li Kûweytê pergalên radarê yên li Baregeha Hewayî ya Alî el-Salem a li Kûweytê, pergala parastina hewayî ya Patriot û depoyên sotemeniyê, her wiha li Baregeha Hewayî ya Şêx Îsa ya li Bahreynê, navendên leşkerî yên DYAyê hatine hedefgirtin. Îranê diyar kir ku wan li nuqteyên leşkerî yên Amerîkî yên li Urdunê jî xistine.
Artêşa Urdunê diyar kir ku 8 fuzeyên ji aliyê Îranê ve hatin avêtin ji aliyê sîstema parastina hewayî ve hatin bêbandorkirin û di bûyerê de tiştek bi kesî nehatiye.
DYAyê roja Çarşemê jî êriş bir ser baregeheke leşkerî ya li nêzî bajarê Îranşahr ê li başûrrojhilatê Îranê. Artêşa Îranê diyar kir ku di êrişê de 13 fuze hatin bikaranîn û di encamê de 7 leşkeran hatine kuştin.
Ji Pakistanê banga ji bo muzakereyê
Li ser zêdebûna şerê li herêmê, fikar mezin dibin. Wezareta Karên Derve ya Pakistanê bang li aliyan kir ku tundiyê bisekinînin û jinûve li muzakereyan vegerin.
