Hemşaredarê Amedî Serra Bucak û Dogan Hatunî, nobeta ekolojî ya ke 73 rojî yo vera projeyê JES’î yo ke dewa Çalidereyî ya girêdayeyê qezaya Gimgimî ya Mûşî de yeno plankerdene dewam kena zîyaret kerde û mesajê paştîdayîşî da.
Hemşaredarê Amedî Serra Bucak û Dogan Hatunî, nobeta ekolojî ya ke 73 rojî yo vera projeyê Santralê Enerjîya Jeotermalî (JES) yo ke dewa Çalidereyî ya girêdayeyê qezaya Gimgimî ya Mûşî de yeno plankerdene dewam kena zîyaret kerde û mesajê paştîdayîşî da.
Hemşaredaran bale ante ser o ke ganî xoza bêro pawitene, heqê beşdarîya şarî ya prosesanê qerardayîşî bêro caardene û têkoşînê ekolojî bêro parekerdene. Hemşaredaranê Amedî, verê çalakîya nobete Şaredarîya Gimgimî zîyaret kerd. Hemserekê Şaredarîya Gimgimî Gulbahar Kaya û Giyasettîn Aydemîrî, Hemşaredarê Amedî Bucak û Hatun dekewtişê qeza de pêşwazî kerdî.
Hemşaredaranê Amedî yê ke dima esnafê Meydanê Kogî zîyaret kerd, hemwelatîyan reyde sohbet kerd. Dima Parka Gedeyan a Taxa Kulturî de ke Şaredarîya ma do destekê teknîkî bido, cigêrayîş ame kerdene.
