Vedat Aydin, serrgêra 34. qetilkerdişê xo de mezelê xo ser o ame vîrardene. Cînîya Vedat Aydinî, Şukran Aydine vîrardişî de qisey kerd û wina vat: “Seba ke no proses ser bikewo, ganî heme dosyayê destpêkê serranê 1990î û hetanî nika bêrê akerdiş û raştîye vejîyo meydan.”
Vedat Aydın, wexto ke Serekê Rêxistinê HEP’î ê Amedî bi, şewa 5ê temmuza 1991î de, hetê kesanê bi çekan ke xo sey polîsan danê naskerdiş, ame girewtiş. Rixmê heme hewildayîşê keye û avûkatan, sazgehê fermî destbendkerdişê Vedat Aydinî qebul nêkenê. Vedat Aydin, 7ê temmuza 1991î de, bi îşkenceyêk hov yeno qetilkerdiş, cenazeyê ey binê pirdo ke nêzdîyê qezaya Maden ya Xarpetî de yeno vînayîş. Cenazeyê ey, 10ê temmuza 1991î de anê Amed û cenazeyê ey, hetê des hezaran kesan ra yeno pêşwazîkerdene. Wextê merasîmî de, hêriş girseyî ser o yeno kerdene; netîceyê hêrişî de 8 kesî cuya xo ra benê û bi seyan kesî birîndar benê. Cipersayîşê qetilkerdişê Vedat Aydinî de hema zî tu sucdar nêameyê cezakerdiş.
Vedat Aydin, serrgêra 34. qetilkerdişê xo de mezelê xo ser o ame vîrardene. Endamê DEM Partî, DBP, TJA, MEBYA-DER, keyeyê Vedat Aydinî Berê Mardîn ê qezaya Sûrî ra hetanî Mezelanê Berê Mardînî ê qezaya Yenîşehîrî ya Amedî rayra şîyî.
