Hevşaredarê Bajarê Mezin ê Amedê yê berê Selçûk Mizrakli piştî tehliye bû çû ser gora Sirri Sureyya Onder û got: “Me gelek ji te hez kir, em ê te bidin jiyîn. Em şopîner, mîratgir û qasîdê wî ne.”
Hevşaredarê Bajarê Mezin ê Amedê yê berê Selçûk Mizrakli piştî 7 salan ji girtîgehê hate berdan. Mizrakli, ji Girtîgeha Edîrneyê ya Tîfa Fyê ji cem Hevserokê Giştî yê HDPê yê berê Selahattîn Demîrtaş hate tehliyekirin.
Selçûk Mizrakli, li pêşiya girtîgehê ji aliyê Serokwekîlên Koma DEM Partiyê Gulistan Kiliç Koçyîgît û Sezaî Temellî, Berdevka DEM Partiyê Ayşegul Dogan, parlamenter û rêveberên DEM Partiyê, rêveberên HDKê, DBPê, Dayikên Aştiyê û girseyek qerebalix ve hat pêşwazîkirin.
Selçûk Mizrakli piştî pêşwaziyê derbasî Stenbolê bû çû ser gora Sirri Sureyya Onder ya li Goristana Zîncîrlîkuyuyê. Selçûk Mizrakli li goristanê ji aliyê keça Sirri Sureyya Onder Ceren Onder Kandemîr, karkerên veguherîna bermahiyan û gelek kesan ve hate pêşwazîkirin.
‘Em şopîner, mîratgir û qasîdê wî ne’
Selçûk Mizrakli li ser gorê de axaftinek kurt kir. Selçûk Mizrakli diyar kir ku Sirri Sureyya heval, hevrê û dermanê herkesî bû û got: “Em şopîner, mîratgir û qasîdê wî ne. Kekê Sirri, dîtina me ya yekemîn hê di dilê min de ye. Bêmirin tiştekî girîng e. Kekê Sirri te vî tiştî kir. Min silavê yekî ku tu herî zêde jê hez dikî ji te re anî, silavê Selahattîn Demîrtaş anî. Me gelek ji te hez kir, em ê te bidin jiyîn. Sirri aştiyê wekî keyfxweşiya herkesî didît.”
Paşê Mizrakli ji bo biçe Amedê çû Balafirgeha Stenbolê.
