DEM Partiyê bi kongreya xwe ya Mezin a Asayî ya 5emîn Meclisa Partiya xwe ya nû jî diyar kir. Di encama hilbijartinê de 80ê endamên esil û 35 jî endamên yedek hatin hilbijartin. Di nava Meclisa Partiyê de navên nû jî cih girtin.
DEM Partî 5emîn Kongreya xwe ya Mezin a Asayî li Navenda Çandê ya Nazim Hîkmet a navçeya Yenîmahalleyê ya Enqereyê li dar xist. Di kongreyê de bi yek lîsteyê hilbijartin pêk hat. Di hilbijartinê de nêzî 600 delegeyan deng da û di encama dengdayînê de Tuncer Bakirhan û Tulay Hatîmogullari ji nû ve weke hevserokên giştî hatin hilbijartin.
Her wiha Meclisa Partiyê ya nû jî hat hilbijartin. Di Meclisa Partiyê de navên nû jî cih girtin. 28 endamên esil ên ku nû ji bo Meclisa Partiyê hatin hilbijartin, ev in: “Asiye Kolçak, Ayfer Fatma Çelîk, Aylîn Hacaloglu, Berdan Gunduz, Berîvan Elter, Berna Çelîk, Besriye Tekgur, Çîgdem Kose, Dogan Erbaş, Ekaterini Nikalao, Ekrem Baran, Elîf Çoban, Eylem Saruca, Fîkret Melîh Çolakogulları, Saruhan Oluç, Îbrahîm Ateş, Mehmet Resul Baykara, Metîn Kilavuz, Muhsîn Dalfîdan, Nayîf Bulga, Omer Kulpu, Sedat Şenoglu, Sevda Çelîk Ozbîngol, Seyfettîn Aydemîr, Sezgîn Kartal, Turkut Çatar, Veysî Unat û Zeyyat Ceylan.”
Piştî hilbijartinê kongre bi dawî bû.
