Cenazeyê Serhat Îmre (Serhat Botan) ê HPGî ku di sala 2017an de jiyana xwe ji dest dabû, piştî 9 salan radestî malbatê hat kirin. Malbatê cenaze li Goristana Karşiyaka ya Wanê bi dirûşma “Şehîd namirin” veşart.
Cenazeyê Serhat Îmre (Serhat Botan) ê HPGî ku li Goristana Bêkesan a li Taxa Seyrantepe ya Wanê hatibû veşartin, piştî encama testên DNAyê ji aliyê malbata wî ve hat wergirtin. Serhat Îmre di sala 2017an de li Bedlîsê di pêvçûneke li gel leşkerên Tirk de jiyana xwe ji dest dabû û ew biribûn li goristana bêkesan veşartibûn.
Malbata Îmre ku ew jî li Wanê dijîn, ji bo cenaze bigirin serî li saziyên peywirdar dabûn. Îro bersiva serlêdana wan hat dayîn û destûr dan ku cenazeyê xwe bigirin. Malbatê û nûnerên saziyên sivîl û partiyên siyasî cenaze wergirtin û li Goristana Karşiyaka ya bi dirûşma “Şehîd namirin” veşartin.
Piştî veşartinê girseyê ji bo hemû şehîdan deqeyek rêz girt û merasîma veşartinê bi dawî bû.
