Seba Festîvala Kulturê Kurdan a Mîyanneteweyîye ya 34. bi sloganê “Bi Rayberîya Azad ver bi komelê demokratîk”, Kurdistanijî û dostê înan şaristananê cîyayan ê Ewropa ra Dortmund de yenê têhet.
Na serre Ewropa de Festîvala Kulturê Kurdan a Mîyanneteweyîye ya 34. yena viraştene. Festîvala yewine serra 1992î de şaristanê Bochumî yê Almanya de dest pêkerd. Festîvale, her serre şaristanêko cîya de ame viraştene. Festîvale her serre bi sloganêk û waştişêko cîya ame viraştene. Festîvala na serre zî bi sloganê “Bi Rayberîya Azad ver bi komelê demokratîk ” yena viraştene.
Festîvala emserre, bi pêşengîya KCDK-E û TJK-E, seba vîrardişê şehîdanê têkoşînê azadîye yena viraştene. Xeylî kesî saetanê şefeqî de ver bi meydanê festîvale yenê.
Badê kontrolanê emnîyetî, qiçikan ra heta kal û pîran, bi cilûbelgê neteweyîye û kurdkî û bi beyraqanê rengîn yenê meydanê festîvale.
Meydanê festîvale de govende yena çarnayene. Xeylî kesî bi otobus û wesayîtan yenê cayê festîvale û bi coş û kelecane tewrê festîvale benê û serkewtena azadîye pîroz kenê.
Girseya ke paweyê destpêkerdena programî ya, meydan de sloganê “Wa Biciwîyo Serek Apo” û “Şehîdî Nêmirenê” berz kenê.
Meydanê festîvale de xeylî standê kitaban, werdî û çîyanê cîyayan ameyê ronayene.
Festîvale de do qiseykerdiş bêrê kerdene û hunermendê Chopy, Mîkaîl Aslan & Cemîl Koçgirî, Koma Zerdeştê Kal, Sîpan Xelat, Awaza Botan, koma Govendê bêrê sehneyî ser û deyîran vajê û hunerê xo girseyî rê bimojnê.
