Amed de 9 kesê ke 3ê êlule de ameyê destbendkerdene, bi şertê kontrolê edlî ameyê veradayene.
Çarçewaya tehqîqato ke hetê Serdozgerîya Komare ya Amedî ra ameya destpêkerdene de, 3ê êlule de, netîceyê eştena serê keyeyan de, 9 kesî ameyê destbendkerdene. Ame zanayene ke nê kesê ke ameyê veredayene Mudirîyetê Polîsan ê Amedî, bi îdiaya ke “propagandayê rêxistine kerdo” ameyê destbendkerdene û îfadeyê înan bi na îdiaye ser o ame girewtene. Badê kar û baranê destbendkerdişî, 9 kesî emniyetî ra sewqî mehkemeya Amedî ameyê kerdene.
Dadgerîye, badê kar û baranê îfadeyî, 9 kesî bi şertê kontrola edlî veradayê.
