Li Nîvgirava Sîna ya Misrê di qezaya otobusê de 16 kes mirin û 28 kes jî birîndar bûn. Qeza li ser rêya navbera Dahab û Nuweibayê qewimî ku ji navendên girîng ên tûrîzmê yên Misrê ye.
Li Nîvgirava Sînayê ya Misrê roja çarşemê di qezaya otobusê de 16 kes mirin û 28 kes jî birîndar bûn.
Wezareta Tenduristiyê ya Misrê diyar kir ku piştî destwerdana destpêkê ya tibî ji bo veguhestina birîndaran ji nexweşxaneyan re 20 ambûlans ji bo herêmê hatin veguhestin.
Qeza li ser rêya bejahî ya navbera Dahab û Nuweibayê qewimî ku li rojhilatê welêt e. Têkildarî sedema qezayê daxuyaniyeke fermî hîn nehatiye dayîn. Ev herêma li Nîvgirava Sînayê navendeke girîng a tûrîzmê ye.
Li Misrê mirina ji ber qezayên trafîkê gelekî zêde ye. Qeza bi giranî ji ber ajotina bi rengekî xetere, rewşa nebaş a rê û wesayîtan, her wiha bicihneanîna pîvanên trafîkê diqewime.
Li gorî saziya statîstîkan a fermî ya Misrê, par li seranserê welêt 6 hezar kes di qezayên trafîkê de jiyana xwe ji dest dan.
Meha derbasbûyî li bakurê welêt du pîkabên ku karkerên çandiniyê tê de bûn li hev qelibîn û herî kêm 18 kesan jiyana xwe ji dest dan.
