Tîmên DEDAŞê yên Mêrdînê 3 roj in elektrîka gundê Stîlîlê birîne. Welatiyên ku nexweş in û girêdayî cîhazan e zehmetiyê dikişînin.
Li gundê Stîlîlê yê bi ser navçeya Nisêbîn ya Mêrdînê ve tîmên DEDAŞê yên ku 31î Tebaxê çûn gund, elektrîka gund birîn.
Jiyana nexweşên girêdayî cîhazê di bin xetereyê de ye
Li gel ku di gund de nexweşên girêdayî cîhazan hene jî DEDAŞê ev yek li ber çavan negirtiye û jiyana welatiyên nexweş xistiye bin xetereyê.
DEDAŞ: Em ê berdin û cardin bigirin
Keyayê gund ê ku agahî da ajansa me; diyar kir ku ew bi rayedarên DEDAŞê re axivî ne û rayedarên DEDAŞê ji wan re gotiye, “Em ê tenê ji bo 3 rojan elektrîkê vekin. Lê ger welatî di nava 3 rojan de cezayê pereyê li gundiyan hatiye birîn nerazînin, em ê cardin elektrîkê bibirin.”
Parlamenter Tanhan bertek nîşanî DEDAŞê da
Parlamenterê DEM Partiyê yê Mêrdînê Kamûran Tanhan li ser hesabê xwe yê Xê bertek nîşanî biryara DEDAŞê da û got divê demildest elektrîka gundê Stîlîlê were berdan. Tanhan destnîşan kir ku jiyana nexweşên li gund ku girêdayî cîhazan e di bin xetereyê de ye.
