Li Çewligê û navçeyên wê Kanîreş û Çêrmeyê serdanên girseyî yên ji bo bîranînên şehîdan berdewam dikin. Piştî serdana li Çêrmeyê serdana goristanê hat kirin, li navendê û Kanîreşê jî sînevizyon hat nîşandan.
Li Çewligê û navçeyên wê Kanîreş û Çêrmeyê ji bo kesên di têkoşîna azadiyê de jiyana xwe ji dest dane bîranîn hatin lidarxistin, bi girseyî hatin ziyaretkirin. Ji bo Azîme Delîl (Yasemîn Goze) ku hat ragihandin di sala 2018an de jiyana xwe ji dest daye, li gundikê gundê Elmalî ya navçeya Çêrmeyê bîranîn hat lidarxstin. Parlamenterê DEM Partiyê yê Çewligê Omer Faruk Hûlakû, Parlamentera Dêrsimê Ayten Kordu, rêveberên DBP û DEM Partiyê yên bajêr û navçeyan û gelek welatî tevlî bîranînê bûn. Piştî serdanê, gora Aslan Goze ku li heman gundî di têkoşîna azadiyê de jiyana xwe ji dest dabû hat ziyaretkirin û dia hatin xwendin.
Li Kanîreşê nîşandana sînevizyonê
Bîranîna ku li gundê Şeman ê Kanîreşê ji bo Piling Elî Varto (Mustafa Aksoy) hat lidarxistin, di roja duyemîn de berdewam kir. Di bîranînê de sîneviyona ku hatibû amadekirin hat nîşandan. Di dema nîşandanê de pir caran dirûşmên “Şehîd namirin” û “Bijî Serok Apo” hatin berzkirin.
Bîranîna li Çewligê di roja duyemîn de ye
Li Çewligê ji bo Mehmet Hayrî Çapakçur (Hakan Açan) li avahiya DEM Partiyê bîranîn hat lidarxistin. Bîranîn di roja duyemîn de bi serdanên girseyî berdewam kir. Di çarçoveya serdanê de sînevizyon hat nîşandan.
