Seba şehîdanê Têgêrayîşê Azadîya Kurdîstanî yê ke ca û tarîxanê cîya cîyayan de cuya xo vînd kerda, zaf şaristananê Rojhelatê Kurdîstanî de merasîmê vîrardişî ameyî kerdiş.
Têgêrayîşê Azadîya Kurdîstanî nasnameyê endamanê xo yê Rojhelatê Kurdîstanî eşkera kerdbî ke ca û tarîxanê cîya cîyayan de cuya xo vînd kerdbî. Seba Muhammed Fevzi (Artêş Çîçek), Zehra Îsmaîlî (Sila Destan), Saman Mansuri (Zana Adar), Ariş Muhammedî (Welat Bêrîtan), Serkeft Kadîrî (Fedakar Ronahî), Xebat Yusufi (Rêbûwar Amed), Armîn Sait Rad (Bêkes Bêrîvan), Edip Peşrev Şîrînî (Bahoz Niştiman) û Maşallah Recebî (Nebes Evîndar) zaf şaristananê Rojhelatê Kurdîstanî de programê vîrardişî ameyî kerdiş.
Rixmê astengkerdişê rejîmê Îranî zî keyeyan vizêr û ewro zaf cayan de vîrardişî kerdî. Vîrardişê ke Sine de ame kerdiş de dayîka Armîn Sait Radî (Bêkes Bêrîvan) qisey kerd û wina va: “Lajê mi seba azadîya Kurdîstanî şehîd kewt. Sereyê embazanê ey û yê Serekî weş bo, o şehîdê Kurdîstanî yo.”
Qiseykerdişê dayîke zaf reyan bi sloganê “Şehîdî Nêmirenê” ame birnayîş.
