Wezîra verêne Fatma Betul Sayan Kaya û mêrdê ci Îlyas Kaya, çarçeweya cipersayişê talanê fonî de sey şikdar ameyî dadgeh ke îfadeyê xo bidê.
Cipersayîşê talanê fonî, ke Serdozgerîya Komarî ya Stenbulî ra yena rayraberdene, dewam keno.
Çarçeweya cipersayîşî de wezîra verêne Fatma Betul Sayan Kaya, ke Cîgirê Serekê Pêroyî yê AKPyî wext de talanê fonî ra nêzdîyê 2,2 milyar TL qezenc kerd, Îlyas Kaya û Serekê verên ê Lijneya Bazarê Sermayeyî (SPK) Îbrahîm Omer Gonul, sey şikdar, seba ke îfadeyê înan bêro girewtene, emnîyetî reyde serdozgerî rê ameyî vengkerdene.
Cita Kayayan nêzdîyê saete 11.00 de seba îfade dayîşî ameyî dadgehe. Kaya, ke mêrdê xo Îlyas Kaya reyde seba îfade dayîş amebî, avûkatanê xo reyde kewt katê serdozgerî. Kaya pirsanê endamanê çapemenî rê “Eke îzin bikerê, ma îfadeyê xo bidê” vat û eşkerayîyêkî bîn nêdaye.
