Hemsereka Pêroyî ya DEM Partîyî Tulay Hatîmogullari temsîlkar û sazîyanê Elewîyan reyde kombîyayîş kerd. Hatîmogullari dîyar kerd ke meseleyî û waştişê Elewîyan, meseleyî û waştişê ma yê bingeyînî yê.
Hemsereka Pêroyî ya DEM Partîyî Tulay Hatîmogullari, Stenbol de Cemevîya Kazim Karabekirî ya qezaya Umranîye de temsîlkar û sazîyanê Elewîyan reyde kombîyayîş kerd. Kombîyayîşî ra dima Hatîmogullari eşkerayîyêka çapemenîye daye. Parlamenterê DEM Partîyî yê Stenbolî Celal Firat û rêxistîna DEM Partîyî ya Stenbolî zî kombîyayîşî de ca girewt.
Hatîmogullari vat ke ewro nê welatî de di meseleyî estê: meseleya kurdan û meseleya Elewîyan. Ame vatene ke eke nê meseleyî çareser nêbê, ma nêeşkenê qala aştî bikerê û ma wazenê na proses Elewîyan reyde rayberî bikerê. Hatîmogullari yad kerd ke Koçgirî, Dêrsim, Gazî, Çorum û Sêwas de, û peyên de Sûrîye de zî Elewîyan vera qetl qewimîyayî. Ma Elewîyê Sûrîye reyde têkilî de yê; ewro zî uca kuştiş û ewte dayîşê şarî dewam keno.
‘Eke aştî Elewîyan reyde nêbo bi qisekerdene, aştî nêyena awankerdene’
Hatîmogullari dîyar kerd ke 27ê sibateyê 2025î de vengdayîşê Rayber Abdullah Ocalanî bî û nê vengdayîşî de pêşnîyazê çareserîye estbî. Proses 2 serre ra vêşêr yo ke dewam keno û tu kes ganê xo ra nêbî. Peyên de Meclîs de komîsyonêk ame awankerdene û zaf sazî û rêxistinî goşdarî bîyî. Hatîmogullari vat ke Elewîyan kombîyayîşan de rexneyê xo dîyar kerdî: çira komîsyon de goşdarî nêbîyî? Hatîmogullari vat ke ma waşt ke Elewî Meclîs de bêrê goşdarî kerdene, labelê Serekê Meclîsî raye ci nêdê.
‘Ewro Tirkîya de hewceyê vêşêr demokratîkbîyayîşê Komare ya’
Hatîmogullari qisey xo yê peyênî de ard ziwan ke ewro muxalefet ser o teda est a. Vat ke Elewî persenê: bi teda û sansûrê çapemenîye proses senî biresêro qedîyayîşî? Hatîmogullari vat ke ê persanê xo de mafdar ê û ma ê pirsan desthilatî ra persenê. Hatîmogullari yew rey bîn zî vat ke ma rê birayîya ummetî bes nîya, ma rê birayîya hemwelatîya têduşte hewceya.
Hatîmogullari 29ê teşrîna verêne de sergêra 103îne ya Komara Tirkîya yad kerd û vat ke Komar ganî keyeyê her kesî bo. Hatîmogullari domna: “Ewro Tirkîya de hewceyo vêşêr demokratîkbîyayîşê Komare ya.”
