Mugla – Çarçewaya tehqîqatê vera Şaredarîya Mîlasî de Şaredar Fevzî Topuz zî tede 20 kesî ameybî destbendkerdiş; badê karê îfadeyî emnîyet ra ameyî sewqkerdişê dadgehe. Şaredar zî tede 18 kesî ameyî girewtiş.
Çarçewaya tehqîqatê ke hetê Serdozgerîya Mugla ra yeno ramitiş de, 20ê teşrîna verêne de bi îdiayanê “awankerdişê rêxistina sucî”, “rayberîye yan endamîya rêxistina sucî”, “rişwet”, “fesadîya îhaleyan” û “sextekarîya belgeyanê fermîyan” 35 kesî ameyî destbendkerdiş. 35 kesan ra 15 kesî badê karê îfadeyî yê emnîyetî ameyî veradayîş.
Şaredarê Mîlasî Fevzî Topuz û lajê ey Doruk Topuz zî tede 20 kesî ameyî sewqkerdişê dadgehe. 20 kesan ra 18 kesî ameyî girewtiş ke Şaredar Fevzî Topuz û lajê ey Doruk Topuz zî înan mîyan de yê.
