Amed – Amed de Festîvala 3. ya Kultur û Parekerdişê Keda Cinîyan a Şaredarîya Peyasî dest pêkerd. Festîval do heta roja yewşemeyî dewam bikero.
Festîvala 3. ya Kultur û Parekerdişê Keda Cinîyan a Şaredarîya Peyasî bi pêşengîya Mudirîya Sîyasetanê Cinîyan a Şaredarîya Peyasî Parka 75. ya qeza de bi sloganê “Bi kede û kulturê xo piştîdayîşê xo gird kenê” dest pêkerd. Hemşaredarê Şaredarîya Girde ya Amedî, hemşaredarê Peyasî û xeylî kesî tewrê akerdişê festîvale bîyî.
Festîvale de zaf şaredarîyanê qezayanê Amedî, sazgehanê cinîyan û cinîyanê kedkaran standî akerdî. Cinîyê Amedî bi coşêko gird tewrê festîvale bîyî.
Hemşaredara Peyasî Berîvan Gulşen Sîncare akerdişê festîvale de qisey kerd. Aye dîyar kerd ke do hîna zaf keda cinîye ser o vinderê û xêrameyîşê heme cinîyan rê ke tewrê festîvale bîyî kerd. Hemşaredara Şaredarîya Girde ya Amedî Serra Bucake zî akerdiş de qisey kerd û qetî kerd ke ganî xebatê winasî hîna zaf bêrê kerdiş û ê do tim pîştî bidê kede û xebata cinîyan.
Festîvale do heta roja yewşemeyî dewam bikera.
