Cipersayîşê Gulîstan Doku de operasyonê pêlê 6. ame dest pêkerdene, 11 kesê ke mîyanê înan de mensûbê polîsan ê wezîfedar û teqawutî zî estê, qerarê destbendkerdişê înan ame dayene.
Goreyê agahîyanê ke hetê Dozgerîya Pêroyî ya Erziromî ra, bi maneyê ke delîlî ameyê vindîkerdene û prosesê cipersayîşê de mudaxele ameyo kerdene, 11 gumanbaran ser o, ke mîyanê înan de mensûbê polîsan ê wezîfedar û teqawutî zî estê, 7 şaristanan de seba girewtiş, cigêrayîş û destbendkerdişî operasyonê hemwextî ameyî destpêkerdene.
Dima ke Gulîstan Doku, wendekara Unîversîteya Munzurî, 5ê çeleyê 2020î de Dêrsim de vîndî bî, derheqê vîndîbîyayîşê aye de cipersayîş ameybî destpêkerdene. Çarçewaya nê cipersayîşî de operasyonêko newe ame viraştene. Çarçewaya cipersayîşî ke hetê Dozgerîya Pêroyî ya Erziromî ra yeno rayraberdene de, seba ke delîlî ameyê vindîkerdene û prosesê cipersayîşî de mudaxele ameyo kerdene 11 gumanbarî ameyî tesbîtkerdene.
Ame zanayene ke mîyanê gumanbaran de mensûbê polîsan ê wezîfedar û teqawutî zî estê. Bi fermanê Dozgerîya Pêroyî seba operasyonê vera gumanbaran 7 şaristanan de kewtê mîyanê liv û têgêrayîşî.
