Hemserekê verî yê Şaredarîya Şaristanê Pîlî ê Amedî Selçûk Mizrakli Hepsê Edîrneyî ra ame veredayene û bi girseyî ame pêşwazîkerdene.
Hemserekê Şaredarîya Şaristanê Pîlî ê Amedî Selçûk Mizrakli yo ke 22yê teşrîra verêna 2019î ra girewte bî hepsê Edîrneyî yê Tîpa Fyî ra ame veredayene.
Bî 4 serrî yo ke Selçûk Mizrakli hepsê Edîrneyî de Hemserekê Pêroyî yê HDPyî yê verî Selahattîn Demirtaş ra pîya eynî qawişe de amêne girextene. Dima 7 serran ra Selçûk Mizrakli zindan ra tehlîye bî. Selçûk Mizrakli, verê hepisxaneyî de hetê Serekwekîlanê Koma DEM Partîye Gulistan Kiliç Koçyîgît û Sezaî Temellî, Verfeka DEM Partîyê Ayşegul Dogan, parlamenter û rayraberên DEM Partîyê, rayraberên HDKê, DBPê, Dayikên Aştîyê û girseyeka qerebalixe ra ame pêşwazîkerdene.
Pêşwazîkerdene de Dayîkanê Aştîye vilikî dîyarê Selçûk Mizrakli kerdî, bêmabên sloganê, “Bijî berxwedana zindanan” ameyî berzkerdene.
