Li Rojava perwerdehiya îsal bi boykotan destpê kir. Bi hezaran xwendekarên kurd ji ber biryara sînordarkirina perwerdeya zimanê kurdî, dibistanan boykot kirin û bertek nîşanî Wezareta Perwerdeyê ya Sûriyeyê dan.
Li Rojava û li Sûriyeyê perwerdehiya sala nû destpê kir. Ji Hesekê heta Qamişlo, Kobanê û gelek deveran xwendekarên kurd li dijî biryara sînordarkirina zimanê kurdî ya heftê sê saetan derketin û roja destpêkê ya perwerdehê boykot kirin.
Xwendekarên di nav çalakiya boykotê cih digirin daxwaza naskirina zimanê Kurdî kirin û herwiha xwestin ku bi zimanê dayikê perwerde bibînin. Xwendakaran da zanîn kû heta ev daxwaza wan pêk neyê wê bi çalakiyên cûrbecûr xwepêşandina bidomînin.
Li Rojava entegrasyona leşkerî û sazî û dezgehên Rêveberiya Xweser di çarçoveya Peymana 29ê Çileyê temam bû û xalên ku lihevkirin li ser wan hatin kirin, ketin meriyetê. Yek ji van xalan jî ji hêla fermiyetê ve qebûlkirina zimanê kurdî û perwerdeya bi zimanê kurdî bû. Lê di encama danûstendinan de ji hêla hikûmeta demkî ya Sûriyeyê ve zimanê kurdî li dibistanan wek derseke bijarte hate ferzkirin û tenê heftê bi sê saetan ve hat sinordarkirin.
