Zîndananê Îranî de seba ke bale biancîyo serê îdaman, kampanyaya “Sêşemeyanê îdamî rê nê” hefta xo ya 136. de dewam kena. Bi beşdarbîyayenê komekî girewteyanê Zîndanê Îranşarî, hûmara zîndananê ke kampanya tede yena ramitene vecîye 62yî.
İran de vera cezayanê îdamî, zîndanan de kampanyaya “Sêşemeyanê îdamî rê nê” hefta xo ya 136. de dewam kena. Bi beşdarbîyena komêke girewteyanê Zîndanê İranşarî, hûmara zîndananê ke eylem tede yeno kerdene vecîye 62yî. Girtîyê ke 62 zîndanan de tewrê kampanyayî bîyî, semedê protestokerdîşê cezayanê îdamî rojêke kewtî rojeyê veşanîye. Eşkerayîya ke hetê Kampanyayî ra ame kerdene de ame vatene ke îdareyê Îranî mabênê tarixanê 23-29ê Tebaxe de, 2yê ci cinî, zehfêrî 32 kesî îdam kerdî.
Eşkerayî de ame îfadekerdene ke semedo ke beşdarê çalekîyan aşma çeleyî bîyê zaf kesan cezaya îdamî girewta û zafê ci cî ameyê îdamkerdene û tayê înan zî ribiriyê îdamîyê. Ame eşkerakerdene ke rayapêroyî ya îranî de dewa “Meydanê Şehîdan ê Îsfahanî” de 10 kesan rê cezaya îdamî ameya dayene. Eşkerakerdiş de ame dîyarkerdene ke cezaya îdamî ya girewtîya sîyasî Leyla Ebulhesenî ya ke Zîndanê Devletabadî yê Îsfahanî de yena tepîştiş û cezaya îdamî ya Alî Asgar Peygamberî yê Zîndanê Qezel Hesarî ameyî eyakerdiş ser zî ame vindertiş. Eşkerayîye de ame vatene ke nê kesan mafê xo yê pawitişî û dariznayişê adilî ra bêpar ameyî verdayene û heyatê inan xetere de yo.
Bale ancîye serê tekoşînî
Eşkerayîye de bale ancîye serê krizê ekonomî û komelî yê İranî zî û ame vatene ke enflasyono berz û vînîkerdîşê erjê pereyê neteweyî şert û mercanê komelî yê cewîyayene giran kerdê. Ame parekerdene ke îdareyê İranî semedê tepiştişê reaksîyonanê komelî polîtîkayanê zextî hîna zêde keno û cezayê îdamî zî parçeyêkê nê polîtîkayan ê.
Eşkerayî de semedê kes û sazîyanê ke warê sîyasî, mafanê merdiman, sendîka û civaka sîvîl de feelîyet danê ramitene wayîr vejîyayîş û têkoşînê vera cezayanê îdamî pîlkerdiş ame waştene. Ame parekerdene ke hefta 136î ya Kampanyayî de eyaletê Sîstan-Belucîstanî ra Zîndanê Îranşehrî ra komeke girewteyan zî tewrê eylemî bîyî.
Bi beşdarbîyena Zîndanê Îranşehrî reyde hûmara zîndananê ke eylemî tede yenê kerdene vecîye 62yî.
