Tazîyayê ke seba Gerîlayanê Azadîye yê Kurdîstanî ke resayî şehadetî, qezayanê Şemrex û Dêrikî de ameyî ronayene, bi girseyî ameyî zîyaretkerdene.
Tazîyayê ke seba şehîdê Gerîlayanê Azadîye yê Kurdîstanî Mehmet Abakî rê Taxa Şewaşî ya qezaya Şemrexî de, Selîm Atayî rê merkezê qezaya Şemrexî de û Barîş Tekînî rê Taxa Qûmterê ya qezaya Dêrikî de ameyî ronayene, zîyaretî dewam kenê.
Serkêşîya MEBYA-DERî de tazîyayî bi girseyî ameyî zîyaretkerdene. Temsîlkerdoxê partîyanê sîyasîyan û rêxistinanê komelê sîvîlî ra teber xeylê hemwelatîyî tewrê zîyaretan bîyî.
Zîyaretan de zaf rey sloganê “Şehîd namirin” û “Bijî Serok Apo” ameyî vatene.
Tazîyayî keyeyan rê bi resnayîşê serweşîye qedîyayî.
