Hûmara 34. a Rojnameyê Azadîya Welat bi manşetê “Armacê wan aştî bû” vejîya.
Rojnameyê Azadîya Welatî hûmara xo ya 34. de vîrardişê şehîdanê têkoşînê azadîye yê ke Amed, Wan, Gever, Cizîr, Nisêbîn û Stenbol de vîrardişê vet vernî û bi manşetê “Amacê înan aştî bi” vejîya verê wendoxanê xo. Rojnameyî nuşteyê Felemez Ulugî yo ke derheqê vîrardişan de yo vet manşet.
Rojnameyî bi munasebetê 1ê Êlûle Roja Aştîye ya Dinya bi pawitoxa heqanê merdiman û pispora Tipê Edlî Prof. Dr. Şebnem Korur Fîncancî ra roportaj kerd û serê muhîmîya têkoşînê seba aştîye vinderte. Rojnameyî reyna rîpelê manşetî de ca da nuşteyê nuştox Zinar Ronî yê “Tîbûna ji aştîye”, meqaleya nuştoxe Kurdîstan Lezgîyeva yê “Birîna hevpar a mirovahîyê”, meqaleya nuştox Xelîl Xemgîn “Xwezaya hunerê û ruhê kolektif”, nuşteyê Bêrîvan Kayî yê bi sernuşteyê “Dema mezinkirina pîlkerdişê têkoşînê ye”, meqaleya nuştox Prof. Dr. Abdulîllah Polat yê “Ji bo derûniya kurdan aştî” û meqaleyê Lêl Amed yê bi sernuşteyê “1ê Êlule; Qirayîşê ziwanê maye û aştîye”
