AMED – Dewa Sîse ya qezaya Licê ya Amedî de, adirêko gîrd vejîya. Goreyê vatişanê dewijan, şîrketa bi nameyê TBC’yî cayêko tede petrol gêrenê û xebatanê sondajî kerdêne de adir vet û cayê xebate ra dûrî kewtê. Dewijan îfade kerd ke adir her ke şino pîl beno, ganî bi lezabez mudaxale bêro kerdene.
Dewa Sîse ya qezaya Licê ya Amedî de, adirêko gîrd vejîya. Goreyê vatişanê dewijan, şîrketa bi nameyê TBC’yî cayêko tede petrol gêrenê û xebatanê sondajî kerdêne de adir vet. Şarê dewe dîyar kerd ke adir saetêke verê cû dest pêkerdo û hema zî dewam keno. Goreyê vatîşanê dewijan, adir cayo ke tede sondaj amêne kerdene ra vejîyo û adir nêzdî saetêke yo dest pêkerdo û hema zî devam keno. Şarê dîyar kerd ke: “Badê dûrîkewtişê karkeranê şîrkete, 10 deqîqa dima ra, adir ameyo vînayîş. Coka îxtîmalêko pîlo ke şîrkete adir veto.”
Goreyê agahîyan adir mabenê dewanê Sîse û Alaxuşo de vejîyo, heta nîka nêzdî 3-4 donim erazî vêşayo û adir her ke şino gird beno, şino hetê daristanî.
Dewijî bi îmkananê xo adir hewna kenê, la her ke şino gird beno. Coka ganî bi lezabeze mudaxale bêro kerdene û adir bêro hewnakerdene. Dewijan seba hetkarîye vegdayîş kerd.
