Bi rayberîya MEBYA-DERî de seba Şehîdanê Azadîye yê Kurdîstanî programê yadkerdişî yê Wanî roja 2. de bi zîyaretê girseyî dest pêkerd.
Bi rayberîya Komeleya Yewî, Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) ê Wanî, roja 2. de şînê şehîdan dewam keno.
Şehîdê ke endamê Têgêrayîşê Azadîya Kurdîstanî yê, ca û tarixanê cîyayan de cuya xo ra bîyî û eşkerakerdişê nameyanê înan ra dima şin amebî ronayene. Şîn vizêrî qezaya Artemêtanê ya Wanî de dest pêkerd û roja diyîne de dewam keno. Resmê şehîdan cayê şînî de ameyî ronayene û keyeyê înan verê resman de payra vindertî û hem kesê ke yênê zîyaretê înan peşwazî kenê û hem zî gedeyanê xo ra wayîr vejînê.
Şîn roja dîyîne de bi zîyaretê girseyî dest pêkerd. Şarê Wanî yo ke yeno cayê şînî yew bi yew silam dano keyayanê şehîdan û serweşîye keyeyî û şarê kurdî rê wazenê. Dayîkê ke tewrê şînî benê, bi flamayanê kesk û sur û zerdan xo xemelnayê û bi eştena siloganan û bi tililîyan serberzîya xo nîşan danê.
Şîn bi zîyaretanê girseyî dewam keno.
