Cezayîr de, şewatê daristanan de ke nêzdî hewteyêko dewam kenê de, hûmara kesê ke cuye xo ra bîyî resayê 6 kesan. Seranserê welatî de, 24 wîlayetan de, seba 82 şewatan xebatê hewnakerdişê adirî hema zî dewam kenê.
Germo zêde û vayê zixm ra, xebatê hewnakerdişê adirî zehmet beno û nê semedî ra herêmê ke tehluke de yê ameyê vengkerdiş.
Xeylî wîlayetê Vakur û Rojhelatê Cezayîrî de, şewatê daristanan ke nêzdî hewteyêko dewam kenê, bîyî sebebê mergê 6 kesan. Selahîyetdaran eşkera kerd ke germo zêde û vayê zixm ver kontrolkerdişê şewatî zehmet beno.
Şewat, taybetî wîlayetanê Annaba, El Tarf, Skikda, Guelma û Souk Ahras ser o bandor kerdo. Seba ke adir bi leze vila bîyo, xeylê cayê welatijan binê tehluke de mendê.
Şaristanêko koyî Seraîdî yo ke girêdayeyî Annaba yo, herêmêka tewr zêde binê bandorê adirî de mende ra yew o. Badê ke adir nêzdî cayê ke şar tede ciwîyeno û merkezê weşîye bîyo, nêweşxaneyê herême seba tedbîrî ame vengkerdene. Xeylî welatijî û dewijî sewqê cayanê ewleyîye bîyî.
22ê temmuze de, dûyî û birînanê şenikan ver nêzdî 100 kesî sewqê nêweşxaneyê bîyî. Goreyê eşkerayîyan, tena herêmê Seraîdî nêzdî 150 keye zerar dîyo û ame dîyarkerdene ke do girdîya zerarî hema zî domneno.
Mîyanê 2 hewteyan de mudaxaleyê 550 şewatan ameyo kerdiş
Wezaretê Karanê Zereyî yê Cezayîrî eşkera kerd ke destpêkê şewatî ra hetanî nika 6 kesî cuye xo ra bîyî. Ekîbê Pawitişê Sîvîlî zî dîyar kerd ke mîyanê 2 hewteyan de mudaxaleyê 550 şewatan ameyo kerdiş.
