Serekê Meclîsî Numan Kurtulmuşî semedê qanûna çarçewa grûba DEM Partî zîyaret kerd û Hemserekanê Pêroyî yê DEM Partî Tulay Hatîmogullari û Tuncer Bakirhan reyde pêvînayîş kerd.
Serekê Meclîsî Numan Kurtulmuş derheqê qanûna çarçewe de zîyaretanê partîyanê sîyasîyan domneno. Numan Kurtulmuş Serekê Pêroyî yê MHP Devlet Bahçelî ra pey, grûba DEM Partî zîyaret kerd û Hemserekanê Pêroyî yê DEM Partî Tulay Hatîmogullari û Tuncer Bakirhan reyde pêvînayîş kerd. Serekwekîlanê grûba DEM Partî Gulîstan Kiliç Koçyîgît û Sezaî Temellî zî pêvînayîşî de ca girewt.
Pêvînayîşî 45 deqî waxt girewt û dima pêvînayîşî ra eşkerayîyê nêameyê dayene.
Numan Kurtulmuşî zîyaretanê partîyanê sîyasî yê ewroyî de do grûba Yenî Yol û Kemal Kiliçdaroglu ke bi qerarê “Betalkerdişê Teqezî” sey Serekê Pêroyî yê CHP’yî amebî îlankerdene, ey reyde, siba zî ÎYÎ Partî zîyaret bikero.
