Dozgerîye roniştişê dewaya rojnameger Bêrîvan Kutlu ya ke seba xebatanê xo yê rojnamegerîye bi îdiaya “propagandaya rêxistine” yena muhakemekerdeen, mutala pêşkêş kerd û ceza waşt.
Roniştişo 4. ê dewaya muxabira Ajansê Mezopotamya (MA) Bêrîvan Kutlu ke seba beşdarîya programanê televîzyonî yê dimayê erdlerzê 6ê sibate û parekerdişanê hesabê X’î ser o bi îdiaya “propagandaya rêxistene kerda” yena muhakemekerdene, Mehkemaya Cezayanê Giranan a Amedî ya 4. de ameye kerdiş. Bêrîvan Kutlu beşdarê roniştişî nêbîye û avûkatê aye Resûl Temur roniştişî de amade bi.
Dozgerîye mutala pêşkêş kerd û waşt ke Bêrîvan Kutlu bi îdiaya “propagandaya rêxistine” bêra muhakemekerdiş. Avûkat Resûl Temur vera mutala waştişê wextî kerd. Mehkema waştişê avûkatî qebul kerd û roniştişê bînî taloqê 1ê kanûne kerd.
