Hetê TJA ra Nisêbîn de semedê Ela Tan (15) ke taxa Dara ya qezaya Artûklû ya Mardînî de ameybî kiştiş, tazîye ameye ronayîş û tazîye bi girseyî ameye zîyaretkerdiş.
Vizêrî Nisêbîn de semedê Ela Tan a 15 serrî ke taxa Dara ya qezaya Artûklû ya Mardînî de bi gulebaranî merde ameybî vînayene, tazîye ameye ronayîş. Tazîye hetê Têgêrayîşê Cinîyanê Azadan (TJA) ra Keyeyê Serweşîye yê Danişmanî yo ke taxa Kişla de yo, ameye ronayîş û zaf kesî şîyî zîyaretê tazîye.
Aktîvîsta TJA Zelal Coşkun tazîye de qisey kerd û wina vat: “Semedê kiştişê embaza ma ya ciwan a 15 serrî ma zaf xemgîn bîyî. Ma do nêverdê nê qirkerdişî bêceza bimanê û ma do heta peynî înan taqîb bikerê.”
Zîyaret dimayê duayan qedîya.
