Li Çiyayê Cûdî welatiyên ku ji Bîranîna Hz. Nûh vedigeriyan ji ber ku bergiyên ewlehiyê nehatin girtin qeza kirin û di qezayan de kesekî jiyana xwe ji dest da û 30 kes birîndar bûn.
Li Herêma Sefîneyê ya Çiyayê Cûdî îro ji aliyê Walî û Şaredariya Şirnexê ve bernameya ‘Bîranîna Hz. Nûh’ hat lidarxistin. Di vegera bernameyê de ji ber ku bergiriyên ewlehiyê baş nehatine stendin gelek qezayên trafîkê pêk hatin. Di qezayên navbera bajaroka Bêspin û navçeya Silopya de welatiyekî jiyana xwe ji dest da û herî kêm 30 kes jî birîndar bûn.
Piştî qezayên trafîkê gelek tîmên tenduristiyê çûn cihê buyerê û welatiyên birîndar rakirin Nexweşxaneya Dewletê ya Silopya. Hate hînbûn ku welatiyê jiyana xwe ji dest daye li morga heman nexweşxaneyê tê ragirtin.
