Kovara Jin hûmara xo ya 191. de dîqete ancena nobetanê edaletî, mucadeleya vera bêcezayîye û polîtîkaya şerê taybetî ser.
Kovara Jin her hefte roja bazare vejîyena. Hûmara na hefte bi sernuşteyê “Cinî vera bêcezayîye nobete gênê!” vejîya.
Kovara Jin hûmara xo ya 191. de qalê nobetanê cinîyan kena ke seba edaletî û vîrardişî tekoşînî. Kovare qalê mucadeleya cinîyan a vera bêcezayîye û têkilîyanê komelkîyan zî kena ke şîdetê camêrdan virazenê. Nuşteyî perspektîfanê cîyayan ra waştişanê cinîyan îzah kenê: heqê cuyayîşî, cigêrayîşê raştîye û vurîyayîşê komelkî. Nê nuşteyî munaqeşe kenê ke hêzê nê nobetan vîrardiş û piştîdayîşê yewbînan senî awan keno.
Heme sernuşteyê hûmara newe wina yê:
“Meydan Venga Kamî Dano? Nobetanê Edaletî û Vîrardişî yê Cinîyanê Amedî ser o” / Cansel Talay
“Vîrardiş Vera Vîrakerdişî, Edalet Vera Bêcezayîye: Nobeta Cinîyan a Bêpeynî” / Îrem Îlhan
“Cinî û Polîtîkaya Şerê Taybetî” / Kîbriye Evren
“Raştîya Cinîyan ra heta Newe ra Awankerdişê Komelkî: Çira Jîneolojî?” / Aynur Sarica
“Şîdetê Mîyanê Keyeyî, Dafika Psîkolojîke û Hêzê Xelasnayîşî yê Piştîdayîşo Organîzekerde” / Esra Kahraman
