Serekwezîrê Îraqî Elî Zeydî eşkera kerd ke înan YBŞ’î reyde pêkerdo û do hêzanê înan bikerê mîyanê Heşdî Şabî. Elî Zeydî wina vat: “Heta 30ê hezîrana 2027î teberê dewlete de tu çek nêmaneno.”
Serekwezîrê Îraqî Elî Zeydî derheqê rojeve de kanalê xeberan El-Îraq rê qisey kerd. Elî Zeydî derheqê grûbanê çekdaran ê Îraqî, rewşa Îraqî û pêkerdişê Yewîneyanê Xoverdayîşê Şingalî (YBŞ) reyde de qisey kerd.
Elî Zeydî dîyar kerd ke hukmat vetişê Îraqî yê tecrîdêkê mîyanneteweyî yê nêzdî ra de ser kewto û wina vat: “Welat binê tehdîdê ablûke û sefaretan de bî û welatê rojawanî bawer kerdêne ke dewleta Îraqî binê hegemonyaya tayê grûbanê çekdaran ê dîyaran de ya.”
Elî Zeydî da zanayîş ke heta 30ê hezîrana 2027î teberê dewlete de tu çek nêmaneno; hukmat amanc keno ke heta 30ê hezîrana 2027î estbîyayîşê çekanê teberê dewlete biqedêno û çekî do destê hêzanê emnîyetî de bê.
Sewbîna Elî Zeydî qetî kerd ke Îraq de leşkerê amerîkayijî nêmanenê, sey mîsyonê musteşarîye bê zî. Ey bale ante pêkerdişan ser o ke hêzê artêşa tirke kampanê Başîqa caverdê û kamp do teslîmê artêşa Îraqî bibo.
Elî Zeydî bale ante pêkerdişê mabênê YBŞ û hukmatê Îraqî ser o zî û dîyar kerd ke sey hukmatî Yewîneyanê Xoverdayîşê Şingalî (YBŞ) reyde pêkerdo û hêzê înan do bikewê mîyanê Heşdî Şabî.
