Hemserekê DEM Partî Tuncer Bakirhan roja verêne ya Forumê MERI de Hewlêr de bi zaf kesayet û lîderanê kurdan reyde kom bî. Tuncer Bakirhanî dîyar kerd ke derheqê ameyoxê herême de munaqeşeyê berhemdarî ameyî kerdene.
Hemserekê Pêroyî yê Partîya Seypêyîya Şaran û Demokrasî (DEM Partî) Tuncer Bakirhan beşdarê roja verêne ya Forumê Enstîtuyê Cigêrayîşan ê Rojhelatê Mîyanênî (MERI) yê Hewlêrî bî.
Tuncer Bakirhanî derheqê beşdarîya xo ya forumî de hesabanê xo yê medyaya sosyale de tayê resmê xo yê bi Serekê Herêma Kurdîstanî Neçîrvan Barzanî, Serekê Pêroyî yê YNK’yî Bafil Talabanî, Cîgirê Serwezîrê Herêma Kurdîstanî Qubad Talabanî, Endama Parlamentoyê Sûrîye Îlham Ehmede û Şêwirmendê Serkomarîya Sûrîye Mazlûm Ebdî reyde vila kerdî û mesajêk da. Nê resimanê ke Bakirhanî vila kerdî, eynî wext de mesajê qewetinkerdiş û awankerdişê yewîya neteweyî ya demokratîke zî da raya pêroyî.
Tuncer Bakirhanî mesajê xo de dîyar kerd ke roja verêne ya forumî de derheqê ameyoxê herêmî de munaqeşeyê zaf berhemdarî ameyî kerdene. Hemserekê DEM Partî peynîya mesajê xo de seba mêmanperwerîye sipas kerd Forumê MERI û îdareyê Herêma Kurdîstanî rê.
