Qada Aştî yê Hesekê de verê merasîmê berzkerdişê beyraqa Sûrîye tayê kesan hêrişê vera sembolanê kurdan kerd. Înan zerar da hacetanê warî û cehd kerd ke hêrişê vera Hêzanê Emnîyetê Zereyî zî bikerê.
Qada Aştî yê merkezê bajarê Heseke de, verê destpêkê merasîmê berzkerdişê beyraqa Sûrîye temîyanekîyî vejîyaye. Goreyê xebera ajansê ANHA, merasîm hetê hetanê eleqedaran ra yeno amadekerdiş. Tayê kesan verê merasîmî cehd kerd ke aramîya warî xirab bikerê.
‘Zerar dayo tabelayanê zafziwanî û kamerayan’
Medyaya herêmkîye îfade kerd ke tayê kesan warî de hêrişê vera sembolanê kurdan kerdo. Nameyê warê bi kurdkî, erebkî û suryankî tabelayêk ser o nusîyabî; hedîse de nê tabela ameyê xirabkerdiş û kamerayê çimdarîye yê emnîyetî ameyî şikitiş. Vera endamanê Hêzanê Emnîyetê Zereyî zî cehdê hêrişî ame kerdiş; înan herême de tedbîrê emnîyetî girewtêne.
Amadekarîyê merasîmî ke temam bîyî, Hêzê Emnîyetê Zereyî seba pawitişê emnîyetê sivîlan dorûverê warî de vila bîbî. Eynî wext de ame dîyarkerdiş ke torranê komelkîyan û medyaya dîjîtale de kampanyayêka sîyakerdişî dest pêkerd. Na kampanya vera sembolanê kurdan û Hêzanê Sûrîya Demokratîke (HSD) ke kewtî mîyanê artêşa Sûrîye, yena ramitiş.
‘Derheqê binpaykerdoxan de do qerarê qanûnî bêrê girewtiş’
Ganî bêro vîrardiş ke Fermandarîya Hêzanê Emnîyetê Zereyî yê Wilayetê Hesekê verê cû qerarnameyêko îqazî weşanaybî. Qerarnameyî de ame waştiş ke qeydeyanê kombîyayîşî ra sadiq bimanê; berzkerdişê çekan û şuxulnayîşê fîşekanê hewayî merasîman de ame qedexekerdiş. Fermandarîye dabî zanayîş ke derheqê kesan ke nê qeydeyan binpay bikerê, do qerarê qanûnî bêrê ca.
