Li navçeya Pasûra Amedê cerdevanê bi navê M.S., bi awayek mirî hate dîtin.
Li Taxa Tûrgût Ozal a navçeya Pasûrê ya Amedê cerdevanê bi navê M.S., bi awayek daliqandî ku miribû ji aliyê welatiyan ve hat dîtin. Welatiyên piştî ku M.S., mirî dîtin, agahî dan rayedaran. Li ser agahdarkirinê tîmên tenduristiyê û polîs çûn cihê bûyerê. Tîmên ku li cihê bûyerê lêkolîn kirin, eşkere kirin ku M.S., miriye.
Li gorî agahiyên ku hatin bidestxistin; M.S., ji gundê Mamedka yê Pasûrê ye û ji ber pirsgirêkek navxweyî ya du malbatan hatiye kuştin.
Ji aliyê din ve hate zanîn ku derbarê bûyerê de lêpirsîn hatiye destpêkirin û ji bo tespîtkirina sedema mirina M.S., lêkolîn tê kirin.
