Wezareta Tenduristiyê ya Lubnanê daxuyand ku di êrîşê 3 rojan de 27 kes hatin kuştin û 69 kes birîndar bûn.
Wezareta Tenduristiyê ya Lubnanê ragihand ku di êrişên Îsraîlê yên 3 rojên dawîn de 27 kes hatin kuştin û 69 kes jî birîndar bûn. Wezaretê da zanîn ku di êrişên îro yên li ser bajarokê Keferruman de 12 kes hatin kuştin û 10 kes jî birîndar bûn. Li gorî wezaretê, li bajarokê malek jî hatin hedefkirin û di encamê de 2 zarok û 4 jin di nav de 11 kes hatin kuştin, her wiha 3 zarok û hemşîreyek jî di nav de 8 kes birîndar bûn.
Di dewama daxuyaniyê de hat gotin ku li Keferruman erebeyek jî hat bombebarankirin, di encamê de hemşîreyek hat kuştin û 2 kes birîndar bûn.
Hate diyarkirin ku li bajarok û deverên din ên wek Erbesalîm, Nebetiye Foqa, Nebetiye Tehta û Nebetiye 11 kes hatin kuştin û 26 kes birîndar bûn.
Wezaretê da zanîn ku di êrişên roja şemiyê de jî kesek li Zoter El Xerbiyê birîndar bû. Di êrişên şeva în û şemiyê de jî 4 kes hatin kuştin û 32 kes jî li Nebetiye, Keferruman, Mîfedon, Nebetiye Foqa û Kefor de birîndar bûn.
Li bajarokê Remadiyê yê Siwer jî 3 zarok, 4 jin û 6 hemşîre di nav de 16 kes birîndar bûn, li Eyn Tîne ya Bîqa El Xerbî jî kesek birîndar bû.
