Li Enqere û Îzmîrê ji bo cangoriyên tevgera azadiyê ku di demên cuda de jiyana xwe ji dest dane, dê bernameya bîranînê werin lidarxistin. Bernameya bîranîna li Enqereyê sibe di seat 10.00an de li avahiya DEM Partî ya Enqereyê û yê li Îzmîrê jî di saet 11.00an de li taxa Çamlikûle ya Bucayê were lidarxistin.
Tevgera Azadiyê ya Kurdistanê nasnameya 99 gerîlayên di demên cuda de şehîd bûnê aşkera kir. Bi pêşengiya Platforma Saziyên Demokratîk a Enqereyê ji bo 6 şehîdên herêma Anatoliyaya Navîn bernameya bîranînê bê lidarxistin. Bername dê di seat 10.00an de li avahiya DEM Partiyê ya bajarê Enqereyê bê lidarxistin. Malbatên şehîdan jî dê tev li bîranînê bibin. Bîranîn dê heta seat 17.00an berdewam bike.
Îzmîr
Bernameya bîranîna 18 cangoriyên tevgera azadiyê ya Kurdistanê wê sibe li Îzmîrê bi pêşengtiya MEBYA-DERê pêk were.
MEBYA-DERê diyar kir ku dê sê rojan saet di navbera 11.00-19.00an li taxa Çamlikûlê ya navçeya Bûcayê, nêzîkî benzîngeha Çîftçiyê li Komeleya Pasûriyan bernameya bîranînê were lidarxistin.
