Amedspor û Kasimpaşa di hefteya 4emîn a Lîga Superê de hatin hemberî hev û maç 2-2 bi dawî bû.
Di hefteya 4emîn a Lîga Superê de Amedspor û Kasimpaşayê li Stada Recep Tayyîp Erdogan hatin hemberî hev. Maç di saet 17.00an de dest pê kir. Alîgirên Amedsporê beriya maçê li Qada Şîşhaneyê kom bûn û bi girseyî ketin stadê.
Amedspor di destpêka maçê de bi Mbaye Diagne pozîsyon dît lê encam negirt. Di deqîqeya 20an de Guven Yalçin gola Kasimpaşayê avêt û Kasimpaşa 1-0 pêş ket. Di beşa yekemîn de goleke din çênebû û beşa yekemîn 1-0 bi serkeftina Kasimpaşayê bi dawî bû.
Di beşa duyemîn deqîqe 52yemîn de Adrian Benedyczcak gola Kasimpaşayê avêt û skor bû 2-0.
Di deqiya 59emîn de Gift Orban gola Amedsporê avêt û skor bû 2-1. Gift Orban di deqîqeya 82an de gola xwe ya duyemîn avêt û maç bû 2-2.
Di deqiyên din de gol çênebû û maç 2-2 bi dawî bû. Bi vê encamê re Amedsporê pûana xwe kir 7 û bi maça zêde derket rêza 3yemîn.
