* Mehmet Saît Yildirim ê ji sala 1995an ve girtî ye tevî cezayê wî qediyaye, nexweşiyên wî yên giran hene nayê berdan. Nûnera ÎHDê yê Îzmîrê Îzmîrê Vetha Aydinê diyar kir ku biryarên Lijneyên Îdare û Çavdêriyê ne qanûnî ne û da zanîn ku ji bo berdana girtiyên nexweş pêwîstî bi qanûnên nû nîn in.
* Şêniyên navçeya Kercosê ya Êlihê anîn ziman ku ew hefteyê carekê berhemên xwe yên havînê yên weke firingî, balîcan, îsot û fêkiyên hêjîr, tirî, sêv û hwd. dibin li navçeya Kercosê li bazarê difiroşin û gotin: “Em weke berê nikarin di berhemên xwe de kar bikin.”
* Îro gelê Kurd çîroka lehengên xwe hîn dibe, yek ji wan lehengan Nevzat Fîdan (Arat) e. Nevzat Arat di sala 1978an de tev li Tevgera Azadiyê dibe, 8 salan Girtîgeha Amedê tê girtin, di sala 1990an de girtîgehê derdikeve û berê xwe dide çiyayên Kurdistanê û di sala 1995an de li Kerboranê şehîd dikeve. Malbata Fîdan piştî 31 salan şîna Nevzat Fîdan danî. Birayê Nevzat Fîdan Bekîr Fîdan derbarê rewşê de wiha got: “Aliyek em xemgîn jî be keyfa me hat ku me şîna Nevzat danî.”
* Hevserokê MED-DERê Remzî Azîzoglu piştî ku Qanûna Çarçoveyî derket bal kişand li ser girîngiya statuya zimanê Kurdî û ev tişt gotin: “Dema ku zarok diçin dibistanê dewletê zimanê xwe yê zikmakî ji bîr dikin. Em jî li hemberê wê rewşê dixwazin zimanê Kurdî bigihije statuya xwe û neyê ji bîr kirin.”
* DEM Partî dê 5emîn Kongreya Mezin a Asayî li Navenda Çande ya Nazim Hîkmet a navçeya Yenimahalle ya Enqereyê li dar bixe. (10:00)
* Di hefteya 4emîn a Lîga Superê de dê Amedspor û Kasimpaşa li Stada Recep Tayyîp Erdoganê werin pêşberî hev. (17:00)
