Şaristanê Viacha yê rojavayê Bolîvya de, tesîsê leşkerî de teqayîşêk qewimîyayo û netîceyê teqayîşî de 2 kesî cuya xo ra bîyî û 59 kesî zî birîndar bîyî.
Şaristanê Viacha yê rojavayê Bolîvya de tesîsê leşkerî de teqayîşêk qewimîyayo. Teqayîşêko ke keweno başûrê La Pazî, goreyê saeta herême 14.30î de qewimîyayo.
Badê teqayîşî dûyêko sîya berz bi, camê keyeyanê derûdorî şikîyayî û bi tesîrê teqayîşî perçeyê xirbeyî derûdorî de vila bîyî.
Verfekê polîsan Albay Roger Roca dîyar kerd ke cayê hadîseyî de 2 kesî cuya xo ra bîyî û 59 kesî birîndar bîyî, mîyanê birîndaran de leşkerî zî est ê. Sewbîna polîsan eşkera kerd ke 7 kesî zî vîndîbîyayê.
Wezaretê Pawitişî yê Bolîvya dîyar kerd ke malzemeyo ke teqayo, fîşekanê hewayî yê ke seba sazgahê leşkerî ameyêne xebitnayene ra ware ameyo.
Serekê Dewlete Rodrigo Paz zî seba dîyarkerdena sebebanê hadîseyî, emr da ke tehqîqatêko ‘teknîkî û zelal’ bêro rayraberdene.
Rodrigo Paz vat ke ganî bêro dîyarkerdene ke protokolê ewlekarîye ameyê caaradene yan nê û eke berpirsîyarî est e ganî bêrê dîyarkerdene.
