14 nameyanê cîhanî yê ke ameyê şinasnayene, derheqê Abdullah Ocalanî de erjnayîşê xo de, bale ante serê paradîgmaya ke Abdullah Ocalanî ronaya û kifş kerd ke ganî o azad bo.
Cayanê cîya cîyayan ê dinya ra fîlozov, aktîvîst û sîyasetmedaran seba Rayberê Şarê Kurdî Abdullah Ocalanî mesajî dayî. Şirin Ebadi, Jody Williams, John Holloway, Martina Anderson, Sanchez Amor, Ogmundur Jónasson û Jeremy Corbyn nînan ra tay ê.
14 nameyan ke Yenî Yaşamî rê qisey kerd, mesajanê înan ra qismêk wina yo:
Wayîrê Xelata Nobelî Shirin Ebadî: Ocalanî sey tim reyna nîyetê xo yo hol mojna, ganî hinî şertanê îzolasyonî ra bêro vetene. Ocalanî gama ke hewce kena eşt e, inkey ganî dewleta tirke game bierzo.
Temsîlkara Mîyanneteweyî ya Sinn Feinî Martina Anderson: Azadîya Ocalanî seba destfînayîşê heqanê şarê kurdî ke binê zextî de yo, zaf muhîm o. Rayîrê çareserîya haştîyane ya meseleya kurdan azadîya Ocalanî ya.
Sosyolog û filozof John Holloway: Azadîya Ocalanî zaf muhîm gama muhîm a. Fîkrê ey bingeyê ronayîşê prosesî yo ke wird hetî yewbînan nas bikerî.
Wayîrê Xelata Nobelî Jody Williams: Ocalan ganî bibo azad; çunke seba ke prosesî bido rayrabedene no şert o. Rayîrê pêardişê sîstemanê haştîye û refahî dîyalog o.
Debbie Bookchin: Fîkrê ke ma eşkenê pê cuya azad û demokratîke înşa bikerê, Ocalan teqdîmê ma keno. Paradîgmaya konferderalîzmê demokratîkî seba ma xerîtayêka rayîrî ya muhîm a.
Dr. Gianni Tognoni: Ganî fîrkê Ocalanî sey modelê seba tewirê cuya ke roja ma de hewcedarya ci est a, bêrê destgirewtene. Mahkumîya Ocalanî binpaykerdişê huqûqê mîyanneteyî, heqanê merdiman ê globalî yo.
Avûkata heqanê merdiman Michela Arricale: Azadîya Ocalanî têna meseleya kurdan nîya; seba haştîya Rojhelatê Mîyanênî û wetê ci gamêka kîlît a.
Endama Parlamentoyê Bambos Charalambous: Eke şima wazenê haştîye bikerî, ganî şima rayberan reyde muzakere bikerê. Tirkîya ganî Abdullah Ocalanî dir raşta temas bikero û azadîya ke heq keno bido ci.
Hemkoordînatorê Pêroyî yê Progressive Internationalî David Adler: Azadîya Ocalanî rayîrê azadîya şarê kurdî û haştîya dinya yo. Ganî heme hêzê averşîyayoxî vera esîrkerdişê Birêz Ocalanî têbigêrê.
Sereko Neteweyî yê Sinn Fein Declan Kearney: Ganî hukmatê Tirkîya goreyê cehdkerdişê PKKyî û rayberîya ke Abdullah Ocalan mojneno, gamanê pêtan ke bawerî zêdînenê, bierzo.
Wezîro verên ê Îngîlîstanî û wekîlo xoser Jeremy Corbyn: Xeylê wext o xeylê kesî wazenê wa zîndan de heqê pêvînayîşî yê Ocalanî bibo û serbest bêro veradayene. No seba prosesê ke ver bi haştîye û naskerdişî şino de gamêka muhîm a, bîyêne gamêka muhîm e.
Wezîro verên ê Îzlanda Ogmundur Jónasson: Seba prosesî berpirsîyarîye têna ya kurdan nîya, berpirsîyarîya hetê bînî û heme aktoran est a. Her kes berpirsîyaro ke paştî bido nê prosesê haştîye.
Serekwekîlê Meclîsê Federalî yê Almanya Bodo Ramelow: Abdullah Ocalanî serbest veradê ke wa bibo parçeyêkê prosesî. Seba ke Tirkîya de cîyayîya kulturî bêro ciwîyayene ganî prensîbê asayîş û qanûnê bingeyî bigêrê binê temînatî.
Raportorê Tirkîya yê Parlamentoyê Ewropa Nacho Sanchez Amor: Na pencereyêka firsetî ya. No yewna firsetêko tarîxî yo. Tirkîya ganî şertê ci bêrê pêardene ke meseleya tarîxî ya estbîyayîş û heqanê kurdan bêro çareserkerdene.
