* Rêberê Gelê Kurd Abdullah Ocalan di nirxandinên xwe yên di ‘Hevdîtinên Îmraliyê’ diyar kiribû ku li Tirkiyeyê yên ku herî zêde rastî zext û zordariyê hatine û serî hildane, yên bi kokên xwe ve Elewî ne û ew jî bi gelemperî ji ber pirsgirêka netewperestiyê bûye û wiha got: “Ji ber vê yekê, her kesê ku dibêje; Pirsgirêka Kurd, pirsgirêka Kurdistanê Elewiyan eleqedar nake derewa herî mezin dike. Em Elewîtiya Anatoliyê wekî hevalbendekî xwezayî dinirxînin. Bi propagandayan di navbera Elewiyên Kurd û Elewiyên Tirk de nakokî dernakeve.”
* Siyasetmedar Omer Onen li ser avakirina civakek demokratîk da zanîn ku ev yek ne karê kesekî an jî ne karê saziyekê ye û wiha got: “Siyasetmedar, parlamenter, hevşaredar, sazî û dezgeh û hemû kes divê di avakirina civaka demokratîk de xwe wek berpirsiyar bibîne û bikeve nav vê pêngava seferberiya rêxistinkirinê.”
* Rêxistina Partiya Herêmên Demokratîk (DBP) a Colemêrgê wê 1emîn Kongreya Xwe ya Asayî bi tevlibûna Hevserokê Giştî Keskîn Bayindir li eywaneke dawetê ya Colemêrgê li dar bixe. (10:00)
