Wan de seba şehîdanê Têkoşînê Azadîye yê Kurdîstanî serkêşîya MEBYA-DERî de tezayî ameye ronayene. Tezayî de sloganê “Şehîd namirin” ameyî vatene.
Qezaya Artemêtî ya Wanî seba gerîlayanê HPG û YJA Starî yê ke tarîx û waranê cîya cîyayan de şehîd bîyî, tezayîya hîrê rojan ameye ronayene. Warê tezayî de pankartê sey “Em şehîden azadîye bi bîr tînin”, “Şehîdên me rûmeta me ne”, “Şehîd namirin”, “Şehîd ronîya me ne” ameyî daliqnayene. Fotografê şehîdan de warê tezayî de ameyî cakerdene.
Tezayîya ke serkêşîya Komela Paştdayîş û Hetkarîya bi Keyeyanê ke Merdimê Xo Vînî Kerdî (MEBYA-DER) de ameye ronayene, bi seyan kesî tewrê ci bîyî. Kesê ke ameyî warê yadkerdişî, merdimanê şehîdan rê serweşîye waşte. Tezayî de sloganê “Şehîd namirin”, “Bijî Serok Apo” ameyî vatene. Yadkerdiş de yo ke bi rêzgirewtişê dest pê kerd, marşê “Çerxa Şoreşê” ame wendene.
